ma la roba pì bela in istà

l'era corare in casa
sbrissiando par la pressia
de perder anca na s-cianta de zugo
e ber dal minestro
infogà,
quel'acqua
parecià par la sera
ciara ciara
cossì bona
che parea che dio in persona
coe so man
te fasesse bere,
proprio ti
che te mancava sol de solare
par stare come lù
pien de anzoleti dapartuto
de la to età
che i ridea chè i savea che te gavei za vinto.